మహారాష్ట్ర మాజీ ముఖ్యమంత్రికి కరోనా….

Former Maha CM Ashok corona positive

ముంబయి: మహారాష్ట్రలో కరోనా వైరస్ విలయతాండవం సృష్టిస్తోంది. మహారాష్ట్రలోని కరోనా కేసుల సంఖ్య 50 వేలకు చేరుకోగా 1635 మంది మృత్యువాతపడ్డారు. మహారాష్ట్రలో ముంబయిలో కరోనా చాపకింద నీరులా వ్యాపిస్తోంది. ఒక్క ముంబయిలోని కరోనా బాధితులు 30 వేలకు పైగా ఉన్నారు. తాజాగా మహారాష్ట్ర మాజీ ముఖ్యమంత్రి అశోక్ చవాన్‌కు కరోనా వైరస్ సోకింది. చవాన్‌కు ఎటవంటి లక్షణాలు లేకపోయిన కరోనా వైరస్ పాజిటీవ్ వచ్చింది. దీంతో నాందేడ్‌లో స్థానిక ఆస్పత్రిలో చికిత్స పొందుతున్నాడు. ప్రస్తుతం ఉద్ధవ్ కేబినెట్ లో అశోక్  మంత్రిగా పని చేస్తున్నారు. గృహ నిర్మాణ శాఖ మంత్రి జితేంద్ర అవాద్‌కు కరోనా సోకిన విషయం తెలిసిందే. ఆస్పత్రిలో 20 రోజులు చికిత్స తీసుకొని కరోనా నుంచి కోలుకున్నారు. మహారాష్ట్రలో కరోనా కేసుల లక్ష వరకు ఉన్నాయని ఆ రాష్ట్ర ముఖ్యమంత్రి ఉద్ధవ్ థాక్రే తెలిపారు. ప్రస్తుతం భారత్ కరోనా వైరస్ 1.38 లక్షల మందికి వ్యాపించగా 4024 మంది చనిపోయారు. కరోనా నుంచి 57 వేల మంది కోలుకున్నారు. కరోనా విస్తరించిన దేశాలలో భారత్ టాప్‌టెన్‌లో ఉంది. ప్రపంచంలో కరోనా బాధితుల సంఖ్య 55 లక్షలకు చేరుకో 3.46 లక్షల మంది మృతి చెందారు. కరోనా నుంచి 23 లక్షల మంది కోలుకున్నారు.

 

The post మహారాష్ట్ర మాజీ ముఖ్యమంత్రికి కరోనా…. appeared first on Telangana తాజా వార్తలు | Latest Telugu Breaking News.